Nhar l-Erbgħa 7 ta' Diċembru 2005, l-Onorevoli Prim Ministru, Dr. Lawrence Gonzi u l-Kap ta' l-Oppożizzjoni, Dr Alfred Sant, għamlu żjaru fl-Uffiċċju taċ-Ċensiment.

L-Uffiċjal taċ-Ċensiment, is-Sur Alfred Camilleri, ta dettalji dwar il-preparazzjonijiet u l-proċess taċ-Ċensiment tal-Popolazzjoni u tad-Djar 2005 li għaddej bħalissa.

Wara l-preżentazzjoni, kemm il-Prim Ministru kif ukoll il-Kap ta' l-Oppożizzjoni żaru l-Uffiċċju taċ-Ċensiment fejn setgħu jaraw x'jiġri mill-kwestjonarji wara li jinġabru mingħand il-pubbliku.